2 - Coleras e retrachs

« ‘Chaba donc d’entrar, legeire, dins queu segond volum de cronicas paranò-derisionistas, una chausida que vai de 1996 a 2013. Per fin de los tornar plaçar mai ‘ceptament dins l’istòria, Coleras e Retrachs sont aquí botats tot simplament dins l’òrdre cronologic : auràs besonh de te tornar en memòria çò que se passava en 1997 o en 2004 (temps passats desjà plan vielhs), mas mielhs qu’au moment de lor prumiera parucion, ne’n podràs verificar la valor profetica. [...] »Micheu Chapduelh (prononciar: [sa’dy?j]) es un escrivan e chançonier occitan nascut lo 7 de genièr de 1947 a Agonac en Dordonha ente demòra enquera. Es un daus prumiers escrivans occitans-lemosins a aver utilizat la grafia classica. Participa a la revusda Lo Leberaubre consacrada a la literatura fantastica emb Jan dau Melhau. Son òbra es un boiradís d’umor negre e de fantastic. Escrivet de nombrosas chançons, coma per Joan-Pau Verdier. Presidet longtemps Novelum, la seccion peirigòrda de l’IEO. Es membre del conselh lingüistic del Congrès Permanent de la Lenga Occitana.